العملة الإلكترونية NEOCONNECT تحولت إلى Discovercoin وقامت بالنصب على أغلب عملاءها

السلام عليكم ورحمة الله وبركاته 

طبعاً أنا كلمتكم من مدة عن عملة إفتراضية أو إلكترونية مشفرة جديدة CryptoCurrency إسمها NEOCONNECT 
وقولتلكم الموضوع مقدرش أضمنها 100% لأنها عملة جديدة
وزيها زي أي ICO للعملات الجديدة ممكن يطلع جامد وممكن يقع وينزل في الحضيض 

- العملة أول ما بدأت الـ ICO أو الإطلاق بتاعها في السوق عشان تنشر نفسها ، أعتمدت على طريقتين : 

1 - تحويل العملات الأخرى ليها زي الـ Bitcoin والـ Ethereum ، وشراء العملة بالدولار .
2 - ودا اللي إعتمد عليه أغلب الناس ، الإحالة أو الـ Referral أو تقدر تقول عليه Network Marketing
وكانت بتسمح فالأول إن الناس بمجرد إنها تجمع مبلغ كبير بقيمة الـ NEOC = 1 Dollar تسحبه أو تحوله لعملة أخرى ... وبعدين خافت من الخطوة دي لأنها لقت كتير بيعملها ، قفلت السحب وكتبت عليه Under Maintenance لفترة 

فيما بعد لقينا الـ Site اتعمله مواقع وصفحات نصب كتير ... والصفحة الرسمية على الفيس بتعلن إنها غير مسئولة عن المواقع التانية دي .... دا غير مشكلتها الرئيسية في إسم العملة كـ NEOConnect لأن العملتين : bitconnect و NEO بتهاجمها على إسمها 
وبيطالبوها بتغيير الإسم
المنصة فالآخـــــــــــــر بعد مالموقع وقع ، الـ Server بتاعه سقط
إستجابت للأمر وأعلنت إسم الجديـــــــــــد :  

الـ DiscoverCoin 

ونزلت إعلان رسمي على صفحتها إنه لا داعي للقلق وإنها هتنقل المنصة بس للموقع الجديد ودا هياخد وقت 

وطلبت من كل المستخدمين يسيبوا بياناتهم الشخصية وعنوان المحفظة الـ Ether بتاعتهم عشان تبعتلهم 

تعويـــــــــــض مـــادي
الكلام كان على الصفحتين القديمة قبل ما تتقفل بإسم NEOConnect
والجديدة 

** مع العلم :

أنا كنت واحد من الناس دي وكان معايا أكتر من 12 NEOConnect جمعتهم من شغل الـ Network بالإسم السابق 

وقدمنا وإنتظرنا

بس في ناس كمان هاجمت الـ Site على رداءة التصميم ورمز العملة
- ولو إني مش شايف إن في مشكلة أوي بصراحة -

ماعلينا مش دي المشكلة

دا الرمز الجديد اللي إنطلق مع المنصة اللي تم رفعها خلاص :

الموقع بعتلنا حاجة ؟!
لا أبداً والله .. وناس كتير كمان حصلهم كدا مش أنا بس ...
والصفحة الرسمية على الـ Facebook فيها كمية إهانة وتهزيق أنا كنت معتقد إنه سبب بس لنقص الوعي و حق الناس فالإعتراض على اللخبطة اللي حصلت دي
لكن تبينلي بعد مالموقع تم إطلاقه ..
إنهم فعلاً نصابين ...
مفيش أي حساب ليا عالموقع الجديد أصفـــــــــــــــار
دا غير إن الموقع أساساً من خبرتي المتواضعة كـ Web Developer أو Programmer بوجه عام
موقع حقير جداً ، ردئ ، ضعيف جداً والتصميم بتاعه أضعف ومحدود جداً لا يليق بموقع يمثل
عملة إلكترونية مشفرة وقوية .. أويحافظ على حسابات عملاءه

شوفوا الموقع من هنا 

الفكرة أنا بحمد ربنا إن الموقع مدفعتش فيه أي حاجة عشان يتحرق دمي زي الناس التانية ... أنا اللي كسبتهم جوا هما اللي خسرتهم جوا
في بعض الناس اللي دفعوا ورجعلهم فلوسهم ..
بينما أغلب الناس بتهاجمهم عالـ Social Media وعلى مواقع المراجعة للعملات الإفتراضية
دا ممكن تلاحظوه من الروابط السابقة اللي حطتهالكم في وسط الكلام

وفي الحقيقة فالآخر مش هقدر أقولكم حقيقة واضحة كاملة ..
بس زي ما بيقولوا " الجواب باين من عنوانه "
وليكم حرية القرار والإختيار

وشكراً